انت غير مسجل لدينا حاليا للاشتراك اضغط هنا ! اسم المستخدم :

كلمة المرور :

المسلم الوحيد في العالم ..
الموضوع حاصل على تقييم : 0 نجوم طباعة ارسل لصديق
المسلم الوحيد في العالم ..  
بتاريخ : الاربعاء, 14/10/2015 الساعة 08:09 مساء
د/عبدالله
عضو
الدولة : المملكة
المشاركات : 161
المسلم الوحيد في العالم !!!

" أبو صالح و أبو راشد قاعدين يطالعون الأخبار في بلدتهم بريدة في القصيم.

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.

- و الله أنك صادز (صادق) يا أبو صالح. -

بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن و الأحاديث.

- و الله أنك صادز يا أبو صالح. -

و بعد ترى موب كل العرب مسلمين صحيحين. عندك هالشوام و المصاروه والمغاربه و الله حتى ما يصلون صلاة ربي, ان بغيت المسلمين الصدز تراهم أهل

الجزيرة و الخليج.

- و الله أنك صادز يا أبو صالح..

و موب بعد كل الخليج.. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية.

- و الله أنك صادز يا أبو صالح.

- بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية
حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثل ما انت خابر عندهم بدع واجد .

الدين الصدز هنيه عندنا في الوسطى و القصيم.

- و الله أنك صادز يا أبو صالح.. -

بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيه ببريدة.

- و الله أنك صادز يا أبو صالح.. -

بس بعد في بريدة موب كل حارة زي الثانية، ترى أكثر أهل بريدة مركبين دشوش ويشوفون القنوات الماجنة. ما فيه مثل حارتنا مافيها و لا دش واحد.

- و الله أنك صادز يا أبو صالح... -

بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت.

- و الله أنك صادز يا أبو صالح..

-بس أشوفك يا بو راشد هالأيام ما تخشع زين في صلاة الفجر!!
اكتب احيانا ما لا اريد قوله ..!


تقييم الموضوع




الرسائل أو المقالات أو المشاركات أو الآراء المنشورة في الشبكة الإسلامية العربية الحرة بأسماء أصحابها أو بأسماء مستعارة لا تمثل بالضرورة الرأي الرسمي للشبكة الإسلامية العربية الحرة بل تمثل وجهة نظر كاتبها فقط

تفعيل العضوية البحث عن الموقع اتصل بنا
جميع الحقوق محفوظة للشبكة الاسلامية العربية الحرة